هذي سالفه سمعتها مع واحد بجواله
أعجبتي وحبيت أنقلها
هذا يالربع الله يسلمكم يقلكم في إثنين أخوان واحد منهم إمام مسجد يصلي بالناس وماعليه خلاف
وله أخو منتهي راعي مقانيص ىوفلات , ولهم خاله بالقريه الثانيه لها بنت وهالمنتهي يسج
بهالبران ويقنص ويمر على خالته يقوم بطلباتها , المهم سنه من السنين إمام المسجد نوى يحج
وكلم أخوه قاله ياخوي أنا ناوين أحج وأبيك تلزم مكاني تصلي بالناس إلين أرجع , قاله أخوه أنا
أصلي بالناس ياخوي دور غيري وإلي يرحم والديك أنت تدري عن الوضع الله يسلمك , قاله أخوه
والله ونا أخوك ماني بلاقن أحسن منك <<< وده يشجعه ولا مامن خير
المهم ألح عليه بالطلب وقاله ياخوي هذا باب رزق ولازم نحرص عليه
أخيرا وافق اخوه وقاله تدري توكلنا على الله , قاله ألإمام شف ونا أخوك أنا مواعد أخواياي بعد صلاة
الصبح إن شاء الله قاله أخوه خير إن شاء الله إن جو ربعك على الموعد الله يعين ون خيروا عاد العذر
منك ونا أخوك.
صلوا الناس الصبح وجو أخوياه وقام ألإمام يستأذن من جماعت المسجد وقالهم إنه ناوين الحج ,
سامحوه الجماعه وقالوله ومن يسد مكانك يافلان ؟ قالهم اخوي ! قالوا له أخوك فلان ؟ قال إيه
قالو الله يردك بالسلامه ولا قال الله يستر <<<<<< خابرين أخوه وفعله
المهم جلس يصلي بهم أسبوع , فقدته بنت خالته وقالت لأمها يا أمي فلان ماعاد يمر علينا له
اسبوع ماتدرين عنه قالت لها لا والله يابنيتي لاكن إن شاء الله بكره اروح لمهم وأسأل عنه جات
العجيز وتسأل يالربع أحد عين لي ألأيتام وش سووا قالوا لها ياخاله تريهم بخير واحد منهم راح للحج
قالت العجيز أكيد هذا فلان <<< تعني ألإمام
قالوا إي والله هوه والثاني يصلي بالناس
قالت فلان يصلي بالناس يالله الهدايه يارب
راحت لم المسجد ولياه يصلي بالناس , رجعت العجيز وقالت لبنتها إلي لقيته , قالت البنت أبد ما
أصدق إن فلان يصلي بالناس لابد اروح واشوف بعيني , راحت البنت ويوم جات وقت صلاة العصر
وراحت لم المسجد والناس مستعدين للصلاه وليا ولد خالتها قدام الناس مستعد يبي يصليبهم وأقام
ألمؤذن للصلاه والتفت الإمام يبي يقلهم إعتدلوا تساوو وليا هالمزيونه إلي على باب المسجد
شايله غطوتها ولياها بنت خالته كان يقول
تعدلوا ياهل القلوب المواليف .... وصيروا ورى القراي خمسة صفوفي
أ حلف برب (ن) حيزم النبت بالليف ... مرجع بصر ايوب بعد الكفوفي
أنك غناتي بلابسات المشانيف ... والكاذب الله ياعسى مايشوفي
الله أكبر
ثم ( ن) صلى بالناس ويوم إنتهت الصلاه قاله واحد من عيال عمه يافلان والله إنك تصلي بنا لك
أ سبوع وصلاتك ماجا زينها لكن اليوم قلت كلام قبل تكبيرة ألإحرام ياليت تعيده الله يسلمك<< ولد
ع مه خابره وخابر علومه
المهم قاله لا , لا ماعليك هلكلام إلي قلته حديث ضعيف لا ي}خذ به
وسلااااااااامتكم
